اللى شعرها قصف واللى وقع واللى اخشن تعاليلى اقولك الحل

هى البنت عندها ايه اغلى من شعرها ؟؟


اللى شعرها قصف واللى وقع واللى اخشن

والبنت الغلبانه دى تاهت وداخت من الوصفات والشامبوهات وحمامات كريم ومفيش فايدة


البرنامج هيكون عبارة عن جدول متكامل لعلاج الشعر وتقويته وتكثيفه وتنعيمه

فيه شويه شروط فى الجدول اللى هتمشى عليها بس هى اللى هتلاقى نتيجه

1- ممنوع الفرد

2- ممنوع الصبغات اخرك الحنا

3- ممنوع السيشوار

وفيه شويه ممنوعات تانيه وعادات غلط هنقولها فى الجدول

الجدول اللى هنمشى عليه :



الجدول اليومى

هنقسمه لنهار وليل

اولا النهار : حضرتك اول ما تصحى من النوم هتسرحى شعرك بفرشاه خشب بلاش الله يخليكى الفرشاه البلاستيك لانها بتعمل شحنه فى الشعر بتسبب هيشانه

فى الاول هتسرحى من الاورة لورا وبعدين تقلبى راسك من ورا لقدام عشان تنشيط الدورة الدمويه

بعدها وبسرعه والفروة متنشطه تجيبى لوسيون من الصيدليه اى لويسيون بس احسن واحد روتاج لويسيون

تدلكى الفروة بالراحه وبعدين تنامى على دهرك من غير مخده الموضوع دا هاااايل للشعر

هتاخدى بعد كل وجبه قرصين حبوب الخميرة ب 6 جنيه من الصيدليه بينعم ويغذى الشعر

هتركزى فى اكلك على السطله والفاكهه


بالنسبه للفيتامينات مهمه جدا بس لازم تستشيرى دكتور قبلها

1- حديد
2- كالسيوم
3- perfectil وده بيتقل الشعر ومش بيزود شعر الجسم ودى اهم حاجة طبعا
4- seven seas هتاخدى منه واحده بس فى اليوم هو مكتوب 6 مرات فى اليوم ملكيش دعوة بيه خديه انتى مرة واحده

ثانيا الليل:

هتسرحى شعرك بنفس طريقه الصبح

والليوسيون مهم جدا بلليل اكتر من الصبح يعنى لو طنشتى الصبح مش مشكله

ممكن تستخدمى نفس الليوسيون او ممكن تجيبى hair loss solution
طريقه الاستخدام ترجى الازازه وتحطى صوابعك فيه تاخدى حبه نونو وتدلكى فروة الراس

طبعا الفيتامينات ممنوووووووووع تستخدم ورا بعض

هتاخدى الصبح قرصين الخميرة

بعدها بساعه seven seas
فى نص الغدا perceftil

بعديه بساعه الحديد

فى العشا الكالسيوم
بعديه بساعه حبوب الخميرة تانى

كدا خلاص الجدول اليومى ولو اكتفيتى بيه لوحده هتلاقى شعرك ولا الهنود معلش هو صعب شويه بس النتيجه تستاهل